柳丁桂花糕

話說女王開學頭一星期後已經無點喊 (係要返到學校一刻喊兩句), 而之後到兩星期後的今天已經完全無喊 (按保姆的證供啦o下...) 當然還未知道原來她變了在早上變得極之黐身, 所以應承了她弄個橙味果凍她吃.

雖然女王都有吃過外面買到的日本 jelly, 但自己整就多點心思, 於是就決定加入桂花糖, 弄個「柳丁桂花糕」出來.

因為想出來效果似糕多過o者喱, 不想太韌, 所以用的是日本寒天粉 (有點像大菜糕的); 但又不想一咬即斷, 所以又加入了葛粉 (kudzu 粉) 加一點點韌度.

用料是四個紅肉橙 (超市有售, 16 元 5 個不貴, 而且比較甜, 弄起甜品來有色水又不用像血橙一樣貴嘛), 開半起肉 (留橙皮兜作模) 後都榨了汁, 加入幾湯匙的三溫糖和一兩湯匙桂花糖, 煮至糖溶便加入 10 gram 的寒天粉, 葛粉用了 4-6 gram 左右, 先開一匙水 (少少夠) 再加入仲熱的 mixture, 一邊加一邊搞勻; 到放涼後便可倒回橙皮兜內.

初時用的寒天粉不夠, 放了幾小時還無反應所以再 "回煲" 加了點; 不過這次火比較弱因為唔想煮到所有維他命無晒, 熱熱地加入寒天粉就算了; 這次就好快已經結了成糕.



橙味極濃而且天然, 效果比預計中好得多, 桂花味不夠勁, 下次可以加多點; 不過... 唉, 女王在第二天就開始發燒, 病了幾天, 所以最後係我和夫人食晒的, 女王無得食...