成績表

順利過度的除了老朽, 還有女王.

上星期五去了見女王個靚女班主任 (佢地特登安排少部分家長在另一星期才見, 可能係我們呢o的特別長氣人士o卦...)和都係靚女的英文老師, 因為女王收到她人生第一張學校發出的 "成績表".

老師第一句就是說 女王在校極之乖, 對同學好靜, 但對老師可以好多野講. 又好專心, 十幾分鐘做一個 task 都無問題, 尤其係 art work. 而且往往是全班第一個主動執拾的同學; 連極少發出貼紙做獎勵的英文老師 maggie 都話一定要在同學面前「頒」貼紙來鼓勵其他同學云云... 所以全張成績表都係 "w" (即係達到所要求咁解喎!)

女王有 art sense 呢個我都知. 專心就都 ok 啦. 不過... 好乖同主動執拾? 係咪o架? 同她在家都有幾大落差喎!

老師又說女王不算是特別易病, 不過的確係較多時會放病假的. 但因為學校好多時都會不斷學習同一事物幾次, 所以 miss 一兩次都可以 catch 返.

但係之後講 "自理" 呢, 我一想起「戒片」就記得之前原本好地地, 但返學後就開始唔得喇... -_-" 但最近發現, 原來女王只係依賴那些即棄方便 pull-up, 到o左真正夜晚著片時就多數可以忍到起身去 wee wee. 更厲害的是她只要著普通小朋友底底的話就可以差不多整天也忍到, 而且識得出聲去廁所. 只係我們之前貪方便所以唔知而已.

既然如此, 要通知老師, 在學校也戒片 lu. 好野! ^o^

講返成績, 學校方面當然係畀得較寬鬆的, 大概是希望對小朋友甚至家長起多點鼓勵作用. 入面仲有好多好 colourful 的相係影女王在校活動時的 "專心樣", 都唔知係咪 chok 樣出來的. 影到佢鬼咁叻. 最後仲有個 section 請家長寫下心聲...


「當我們知道喬喬會有第一份「成績表」時，其實也有點緊張。作為父母，總希望自己子女是「最棒的那一批」 (雖然無論最後結果如何，我們也會高興)。當知道整報告入面都是 “w” 時，更是鬆了一口氣。

對她有期望，不過從不抱過分期望是我們一向的宗旨。就是這樣，所以時常喬喬都會帶給我們驚喜，單是喬喬爸B在和老師會面時看到這份檔案已經看得傻了眼。她的進步比我們想像的要來得快和來得大，相信學校各位老師也有不少功勞，我們也認為喬喬可以有這樣的學習環境是她的幸運。

當然，在家中喬喬有時和在校的舉止頗有分別，例如在家中有時 (少於三分一時間吧) 會是小霸王，有時也會哭鬧；但在校時卻會十分乖巧和文靜，這個是我們也未知原因的；而她的自理能力有部分也在改進中，我們也期待在下一次 (本學年尾) 收到喬喬檔案時，會再有點點的驚喜，謝謝。 」

我們真的不想給自己和女王 (or even 老師) 壓力, 但收到呢份七彩的成績表, 雖然老師說我們可以取走一星期後歸還, 年尾再次給我們, 但最後都忍不住成份 scan 晒留底, 搞o左半日... :P