認識基哥是 "沙士" 後 03年尾的事, 他是老店 "順壽司" 出身的三師兄弟之一, 後來自立門戶出來開店 - 雖然老朽覺得開在師父店附近不是太高章的做法. 他的手藝在中國人中算是一流中的一流; 和日本大師傅比也絕對不遑多讓. 老朽吃了幾個月, 多數是自己去的, 曾經有一次 04 年中, 自己去吃, 見到旁邊坐著一位御用大狀和他的好友徒弟們 (我知基哥和他們也很熟) 那次 "如常" 地是 omakase (師傅發辦), 其中一件就是人人都有的油甘魚腩, 來到我時, 特別細件; 老朽以為是切到尾所以細件, 當基哥問我 "好唔好食" 時, 我反問 - 好呀, 不過係咪細件o左呢...
之後佢笑笑, 即話 "得, 切多件畀你".
一樣位置的油甘魚腩位, 大大件; 又笑笑口 "試試丫, 請你食"
吃下去, 點解咁o架...... @@" 呢件都好食, 但係點解之前細件的反而好吃得多, 魚味, 少少韌性texture 和油的 balance 係絕配, 呢件, 太腍了點點.
我稍稍起來, 靜靜的對基哥鞠了一躬, 輕聲講了一句 "對不起, 錯怪了你, 原來我之前那件才是極品".
後來說起, 基哥告訴我因為整個魚腩最極品位置只有一丁點, 不夠分給幾位大狀們, 既然知小弟又喜歡吃和稍稍懂吃, 就把他給知音人好了.
從那天起, 我們成了朋友.
又有一次, 和幾個為食鬼朋友去, 吃吃o下, 覺得有點不對勁, 基哥問 "今晚o的o野點" 時, 我老實說, 我們幾個朋友, 一個覺得飯爽, 一個覺得唔夠水, 一個覺得硬少少 - 整體就是 "個飯稍稍稍稍的硬了點".
基哥眼都大埋, 說道 "的確係硬了一點, 因為今晚個飯唔係我煮的, 我家有要事出了去一會, 回來我都覺得飯硬, 其他人都食唔出, 得你們講真話". 那晚其實除此之外所有東西都相當對味, 和日本吃到的有得揮.
淵源故仔講完, 今日食o左咩呢o下..
秋冬北海道是有一款 "八角魚", 就是《將太的壽司》中，將太在頭幾集用來做壽司的 "小樽地元之味" 的魚, 因為其他地方無, 所以被他贏了 "大拖羅"的魚. 今天竟然入了貨, 小弟未嚐之味, 立即做了刺身.
味道是一種形容不到的甜咪, 但肉身不太彈牙, 唔識食會以為太腍, 但是味道是極度的香鮮 (當然飛機貨已打了丁點折扣, 這是無得救的事).
這 "pat" 是山芋蓉, 叫做 "to-ro-ro". 老實說香港無人懂得吃, 只有日本人才會叫的東東, 就是將山芋磨蓉後加入少少調味和醬油, 有時會加點吞拿魚 (拖羅或赤身均可), 但最緊要的是一隻生鵪鶉蛋搞勻. 口感似鼻涕多o的, 不是個個喜歡, 不過我就相當喜愛. 這東東 menu 沒有, 因為太少人知道. 我就好似係當年看日本電視睇過才知道的.
要看的不是三文魚子, 雖然他們自家醃得好; 而是那啡啡色的 - 甜蝦膏, 這裡大約有十隻蝦的膏, 可以加酒當成下酒的 "酒盜" 又或者用來煮麵也可. 甘香得要命, 也不是 menu 有的.
當然仲有燒拖羅呀油甘魚呀仲有我 "飛佛" 沙甸魚和鯖魚之類, 那些較為 "大路" 所以不詳贅.
好少介紹地址, 不過悅壽司位處不是大街唔太易搵, 所以一提 - 天后清風街橋底近英皇道口, 上網去 openrice 一查便知.
2 則留言:
精彩呀 , 下次我經天后 , 要試下你老友間舖!
璐
比較頭痕o既係, 佢同好多店一樣, 都係認人的, 就咁入去食的東西可能會普通o的...
一係下次搵次一齊去介紹你識先! ^^
發佈留言