如果我是南亞人...

今天睇報紙和看電視新聞看到有段是講在香港的南亞裔人士受到歧視. 連去銀行開戶口都諸多留難.

又衰o既, 聯合國個黑名單水蛇春咁長, 那些名又有時都差不多, 不是 "鴨都拿" 就是 "阿LI" 又或者 "穆罕默德" 之類, 最衰就係o的恐怖份子, 搞到有些銀行見到這些名已經寧可不做生意, 但就弄得一班南亞人士苦不堪言.

老朽雖然試過有幾隻傷亡訴訟 case 見過有些南亞人士真的作大兼講大話講到天花龍鳳, 不過另一方面, 在教會都有接觸過南亞裔人士, 其實多數他們都幾好人, 婦女們的手藝, 不論是工藝或是廚藝都十分不賴; 不過可惜他們中有不少因為家境和學歷都不佳, 不少男士在香港可以做的工種多數是體力勞動, 弄得連香港吃得回教食品, 不論幾好食, 多數都是大牌檔格局 (正如之前提過東亞運時的大馬拿督都覺得奇怪, 點解香港完全無好企理的 "halal" (唸過經) 的食物一樣).

可惜, 就係咁, 加上 "膚色" 的錯覺, 總有些人覺得他們骯髒, 於是就把他們標籤成為下價和遭唾棄的人群. 君不見, 香港有個 "夏里里拉" 家族, 分分鐘有錢過李嘉誠?

人有時就係咁衰, 大家可唔可以放低一些完全不必要的成見呢o下...?