最美麗的社工

你身邊有沒有朋友是當社工, 或者是外展社工的?

老朽有幾位, 他們都很賣力, 是另一群的 "80後".

因為是義務的顧問團成員之一, 早前應邀出席了香港某大社工組織的周年晚宴 & 傑出社工頒獎禮. 席上除了官蓋雲集, 更由 "唐唐" 頒獎外, 也有不少高官出席晚宴, 更上台高歌; 老朽才知原來一班高官中有不少真係十分唱得之人, 不過係邊幾個就唔講喇.

聽到幾位傑出社工的分享, 當中有些是為精神康復者服務, 有些是為 "邊青" 而奔波, 更有位是一個新類型的社工 - 為防止少女重覆未婚懷孕而工作. 其實, 當社工, 真係唔易捱.

來到一個 "特別獎", 是類似 "終身成就獎" 的, 而得獎的是著名的社工 - 許賢發先生.

許先生多年來都出錢出力為香港的社會工作發展, 好多時都係 "做o左無人知". 今天, 中過風的他由家人推著輪椅慢慢的走到台前, 唐唐走下頒獎台為他而頒獎, 而許先生也勉力的在接過獎後短短的發表謝詞. 老實講, 如果中風的係我, 我真係無勇氣再在公眾面前一字一字, 慢慢的吐出自己的心聲; 但係連我不認識他都被他感動, 在他講完後和其他嘉賓一起畀了個 standing ovation 他.

為了一個自己的理想和目標, 唔計較報酬, 做比份工 extra 多出十倍的工作來為其他人, 呢個精神, 香港又有幾多人真正做得到呢?

一個中風的老人, 原來就是最美麗的社工.