昨晚, 我差點就要在家中寫 blog, 原定, 是為一對早年在網上認識的朋友證婚的.
新人成了朋友, 因為之前老朽未成為監禮人 (當時仲做緊 part time 的 wedding planner) 時, 他們已經希望我為他們證婚 (其實為他們來說都幾 risky...); 他們的信任, 真的使我感動.
中間發生的事不贅, 只是後來收到電話, 新人可能有點拗撬, 說道不結婚了.
雖然有點嚇親, 但老朽依然覺得, 不可能因為了解而分開吧? (其實最鬼憎呢句所謂「名句」!) 而且, 我知他們搞結婚都好一段日子, 差不多兩年了.
其實, 他們不是第一對告訴我說臨結婚才分開的新人, 而且也的確有極小部份 (1-2% 啦...) 到最後也不能再走在一起的, 但是, 雖然老朽不是調解員或者甚麼 counsellor, 但有一樣一定會做的, 就是不論新人的宗教背景, 我一定熱切為他們, 還有他們雙方的家庭祈禱. 可行的話, 還會望一對新人不嫌我多事, 抽點時間和他們傾o下講o下, 又用少少之前我自己的經驗做點分享, 總希望, 有情人終成扣肉... 呀, 係成眷屬 (爛 gag!)
老朽夫人已幾次勸我, 說「你係律師, 最多係人地朋友, 太多事一來唔 pro, 二來你也理不到的, 搞咁多仲要無錢收的工作, 值得嗎?」
我可不是這麼看; 我不理新人會不會覺得我煩, 但我首先一定會先 offer 給他們一個機會讓我可以了解多點, 或許, 有些新人覺得不太喜歡的話 (咁又係o既, 好多唔係真係太熟的新人, 知得多好似好八咁...), 就由得佢好了, 但我真心希望幫到新人, 這是他們都知道的. 總之, 我覺得有辦法幫到他們的話, 一定值得 - 始終, 人家是一生一世的承諾呀!
好就好在, 你們在最後一刻, 再次打給我, 說道思前想後好欠, 還是覺得, 結婚是為你們最好的道路.
我知道昨晚這對新人有看我的 blog 的, 希望他們不介意老朽在此再一次祝你們真正的「因了解而結合」, 能夠經歷這一切, 為你們來說, 是成長的一個里程碑; 我深信, 因為這一串的經歷, 你們一定會更加珍惜對方, 我單看你們籌備婚禮的過程已經是用心, 用力, 用錢, 也用了不少 EQ。 我看, 雖然之前和較沉默的新郎哥說話不多, 但其實, 他真的好細心哦. 又看, 兩老當晚的 "世紀握手", 雖然後來畀我一個 gag 搞得哄笑一堂, 但不只你們, 連我, 還有所有在場的朋友們 (尤其係「由頭跟到尾」的好友們) 也為此而高興得 "呆呆o地" -- 這個手, 真的「握來不易」呢!
之後收到你們的電話, 嘩... 初時真係驚驚o地o架! (點知無啦啦打來會唔會問我「有無得返轉頭」 (大吉利是!) o架...) 不過聽到你們兩個電話中笑得咁燦爛, 連我都笑埋一份.
文字似乎表達不盡我的高興和心情, 總之, 在宣佈你們成為合法夫妻的時刻, 我真係特別開心o架!
&, 老實講, 當晚和夫人 & 女王食樓下的串燒, 好好食, 不過, 真係幾貴. :-)
沒有留言:
發佈留言