東亞運 - 真正的尾聲

為大多數香港人來說, 第五屆東亞運已經在09年12月13日曲終人散, 最多就係加埋聖誕前後的那運動員祝捷會.

為我們義工來說, 東亞運, 在我們心中一直沒有完結. 而形式上的終點, 就在昨晚, 義工嘉許 & 頒獎禮.

老朽是義工, 也是籌備義工計劃時有 "猛車邊" 的二打六小委員; 昨晚理應和各義工, 還有不知是真心來賀還是來做 show 的特首高官等一齊慶祝今次東亞運的傳奇; 可是, 老朽敵不過大老闆和大大大客的 "邀請", 昨晚突然要酬酢酬酢, 還要去上次去過, 一早知道是 "謀人寺" 的所謂 "隱世" 高級食肆.

菜單出了, 食咩唔提, 因為都係一o的在金鐘某高級地方食到的那些 (那班人壓根兒就是那店撓過去的班底, 只係無啦啦加o左 60% 價錢). 但我真係好好好遺憾, 無得和一班 "出生入死" 的戰友們一起同慶, 也無得為我們 VIPPA 取得最高服務時數的 elsie 姐影相 (特首頒 cert 喎... 雖然好多人唔 like 呢位特首, 但在其位者始終都係 "特首" 的 title...) (順帶一提, elsie 姐原來是射箭總會的國際裁判!)

更不濟的是, 我無帶電話; 於是縱然晚上九時已經食完飯走得, 我也知其實頒獎禮未完, 但都要先回公司取回電話才聯絡上我的戰友們, 再會合他們 -- 再食多次飯 -_-"

去到時 -- 剛 miss 了派那份特別的義工紀念品; 原來一袋內有一件黑 tee, 一套郵票和小型張; 不過, 我去得太遲. 雖然早知 miss 了的不是甚麼大明星 (唔知係咪四大公司和有份製作的無記大台鬧翻搞到我地都無歌聽呢o下), 但 chan chan, 李思捷都有到來助興, 另外超級巨聲都有人來.

點都好, miss 了的在網上都追回來, 這就是最後大家合唱的主題曲 - 《衝出世界》



(請先 disable 101音樂廳才觀賞...)

好了, 過埋昨晚, 義工局的責任, 99% 已經完成, 而大部分東亞運公司那邊的員工都 "夠鐘下場", 也會完成他們的合約, 希望他們盡快可以找到新的工作啦...

其實, 一邊打, 老朽心中, 真係唔捨得... 東亞運對多數香港人來說都係 "一場好型o既足球賽", 但我們義工的感受, 真係無辦法一時三刻令他人明白的... 如果正在閱讀的你是 EAG 義工同工的話, 出句聲, 打個招呼丫! ^_^