三希是清朝時乾隆皇帝的其中一間書房的名稱, 當時叫做 "三希堂", 內藏三件墨寶: 快雪時晴帖 (王羲之), 伯遠帖 (王珣), 中秋帖 (王獻之) (*註); 如今被酒家用了做名, 想落雖然優雅, 初時總覺得怪相了點, 不過去到三希樓後, 便有所改觀.
一入到去, 嗅到一陣天麻藥材, 加上一點動物脂肪的味道, 之後聽到幾檯人講四川話 (老朽唔識, 不過有位舊同事好友, 太太是四川人所以聽得出那口音), 已經覺得呢度 "有o的o野喎!"
他們也有著 "三希" - 水煮牛肉, 天麻魚頭湯, 鴛鴦剁椒魚頭. 是日我們就叫了其二 (魚頭和水煮牛), 加個口水雞, 三個都係辣的, 雖然老朽吃辣程度有限, 但大冷天時真係吃到一頭汗才叫過癮.
水煮牛只見紅色...!
剁椒魚頭 - 青色那邊是酸辣, 紅色的當然就是麻辣了. 我較喜歡酸辣那些泡椒. 老細就鍾意紅色的麻辣.
吃到勁辣, 當然就要解辣; 一般我會飲茶, 不過這裡有一杯叫做 "青檸樹" 的凍飲, 大大杯的, 又真係有用. 不要問我這杯東東是不是 "四川菜", 不過好飲又解辣就是了.
*註: 王獻之, 即王羲之公子, 有說陽澄湖有大閘蟹要多謝佢用米漿磨墨寫完後倒入湖內引來靚蟹; 雖然都係假o既多不過聽o下得啖笑都幾得意...
沒有留言:
發佈留言