出街食 II ... 西餐

講完中菜, 講返西式. 不過不是說和璐大師去的九龍富豪酒店 Zeffirino, 有關詳請可以去佢的 blog.

早兩星期去紅磡證婚, 大熱天時仲幫埋手影相 (係呀, 老朽會幫證婚的較熟朋友影埋相的, 希望在有限的時間下多點學習嘛); 不過無留下飲宴, 初時想去食已經幾個月無吃過的 "時新" 港式漢堡; 不過在黃埔新天地見到經過一兩次都無入去的西餐廳 O'Carol. 是晚見人少少, 就一支公入去試一下.

老朽只可以說, 此店又係奇店一間; 生蠔出色, 燒黑豚真的恰到好處, 尚餘一點點的粉紅色在正中 (因黑豚除薄燒外不應燒至全熟, 否則極鞋口, 況且日本黑豚是英國 "豬王" berkshire 的近親, 衛生程度高, 7-8 成熟已夠). 肉感和口味俱係上等, 是夜可見其真章.

原本不準備飲酒, 但經理 Fandy 兄見老朽一支公又影相但係又成套西裝, 好奇下走過來和老朽傾偈, 還請了老朽飲一杯他們揀來配蠔的白酒, 就是最普通的法國地方餐酒 (vin de pays) 級數, 叫做 "muskat sec"; 一灌下去, 和生蠔合拍得要命; 直頭係將蠔內的鮮味, 海水味和 creamy 的質感一層層的帶出... 呀, 不是帶, 直頭係 "迫" 出來, 那種澎湃的感覺因為比預期中高出幾班而更加明顯. 呢支「普通料」, 間直係癡癡地的!! Fandy 本身也是愛吃之人, 自己也倒了一杯酒, 竟然就係咁和老朽傾了成晚, 還約了下次老朽經過時致電, 他會著廚房泡製傳統的南法菜式紅燉原盅鴨!