貴賓接待...

上星期去了上東亞運義工 training 的 "專門訓練".

如之前提過, 老朽受委任的, 是 "貴賓接待" 小組的 leader. 這個組別有近二十個 leader, 和約二百位義工.

與其說是 "leader" 不同說是 "coordinator". 因為我們跟本不是在 "帶領". 和其他 17 個分支義工隊不同, 我們做 "貴賓接待" 的, 像是警察執勤一樣. 前線義工是一對一的, 那就是說, 貴賓來港至離港, 都會是一位義工 (或者最多兩位) 跟足, 似一名管家. 甚麼問題都是由這位義工首當其衝的應付.

至於我們一班 leaders, 唔好以為會有得閒, 其實我們十多人, 就要長駐在 VIP 酒店內 (即 "九龍香記") 的總部, 似係警方的熱線中心的運作, 由一班 leaders 負責統籌. 同時間, 估計會有一百名貴賓在外活動, 他們遇有任何問題時, "管家義工" 就會聯絡我們, 我們就要和全香港有機會接觸到那位貴賓的單位和機構聯絡 "救駕". 即係最多係一人應付十位義工. 不過, 我們都係 team work 的.

貴賓即係貴賓, 多數都係 "大支野", 行程亦唔一定跟他們說過的一樣. 大會上 training 時舉出了去年奧馬一個例子, 就是某國王子來港做頒獎嘉賓, 臨時竟然發老脾唔頒獎... 又有貴賓來港時飲得酩酊大醉, 翌日開會錯過了, 之後 "咩都無做" 就回自己國家, 來香港, 就是吃了一餐飯和飲了好多酒.

當然, 相信只是少數貴賓會咁 "頭痕", 不過看著大會的安排, 都咪話唔心寒... 好似大部分的東西都未有定案; 和去年奧運似乎差得遠; 再看看我們的貴賓名單, 就更加打冷震: 國家主席; 總理; 國際奧委會主席羅格; 榮譽主席薩馬蘭奇; 九個國家/地區的元首或皇室人員, 外長; 他們國家地區的奧委會主席和亞奧理事會委員, 各國代表團長... 出了甚麼差池, 其 "大鑊" 程度, 可能在想像之外.

在上課時碰上了自己小學, 現已退休的校長, 老朽早知她是義工, 不過倒不知她也是 VIP protocol 的人.

在問答環節, 有人問: 做義工, 學校要考試點算好...

喂喂, 大會一早講過, 義工在那時間係要全情投入的, 時間也是, 試想想如果貴賓在和你建立信任時, 你就走了去; 那到時如何是好?

我都知好多人有心做義工, 但係好多香港人做義工有個奇怪的想法, 就是 "我是義工, 幫你就人情, 唔幫就道理". 但是, 這似乎欠缺了 "committment" 那一環吧... 老朽自己, 已經決定請假頂晒. 難得的是, 老朽夫人都十分支持, 還問我要請多少假來代老朽, 單挑照顧女王, 好感動呀...!