新秘書

卒之, 新秘書上場了.

等了幾個月, 而且一肚子氣了好幾星期 - 重申一次, 我不是說那位同事 "完全唔掂", 只係和她工作上真的 "唔夾" -- 上星期打風後新秘書上班了.

或者, 最初有部分同事會覺得我是想換一位漂亮標緻的 "靚女" 秘書; 不過誠然不是, 新秘書外表平平實實, 絕不是所謂亮麗一族, 不過, 工作和對答起來, 算係相當醒目.

最初一兩封信, 或許是有多點的錯漏, 不過三數日下來, 她的工作能力, 讓老朽相當放心. 因為她有點像前兩任的秘書一樣, 不喜歡將工作留在桌面, 而喜歡快點清掉放回老朽桌上.

這下可好, 和她鬥快鬥得不亦樂乎, 兩三天清了大約原本預計五天才清得完的東東...

卻又有少少擔心 - 有能力的秘書, 本公司, 多數留得不耐, 因為人工問題.

老朽前兩任的秘書就是這樣, 她們曾說過如果公司可以加多一點點人工, 就算低過她們找到的新工作, 她們也願意留下幫老朽手. 但可惜, 每次這樣做, 公司都不會批准, 寧願請有關同事離開. 唉...

不過也好, 年尾來了, 老朽的證婚工作在友人和之前的新人介紹下又多起來, 雖然係 "友人" 為主, 而且一直都不希望以此為正職 (將證婚當正職, 而唔當係玩票的話, 大概會慢慢變成 "無咩 heart") 不過都會比較忙, 能夠有一位合作得好的秘書, 相當緊要.

唔... 但願如此!