紅旗車的聯想

看有線新聞部的節目《神州穿梭》 (well, 究竟呢個節目除o左老朽呢o的老鬼外仲有無人睇o架呢o下...), 見到介紹國慶六十年系列中, 有提及每次國慶的檢閱專用車, 都是紅旗. 由1959年, 國慶十年起就是.

當年就係因為毛澤東和蘇俄交惡, 拋下一句 "希望今年閱兵可以坐我們自己的車", 於是就先造了 "東風", 之後再造出 "紅旗"; 這是數月間的事. 老實講, 老朽對毛主席呢位仁兄真係麻麻o地; 佢好成功地救了好多人, 但係累死的人, 委實而言, 大概更多. 不過, 不是他這句, 到今天大家可能仲未見到有國產名車的出現.

人, 就是這樣. 若干程度上, 是為了逞強, 才會有理想, 才會有進步. 古時如此, 現代也如此.

早幾年婚前, 夫人成日要上內地工作, 有一年的生日也在內地過. 於是老朽就 "上京" 當遊玩數日. 夫人的同事就替老朽預約了一位本身是 "的士佬" 的司機大哥. 他駕的有兩部車, 其中一部就是紅旗, 另一架就是舊款的 Benz S320. 老朽二話不說, 就選了紅旗. 司機兼當導遊. 夫人當時的工作其實真的太忙, 除了生日那天, 和有數次吃飯時間外, 所有時間都要工作至深夜兩三點. 於是整天老朽就是自己一個人 (最多和導遊一起) 四處走走.

當年見到的, 有不少街上的公安, 見到沒有掛上出租車字樣的紅旗, 原來真的多少會 "畀幾分面". 因為原來紅旗的大車款 (型號就不知了), 多是和公職有關的人員才會購用, 所以街上公安見到時, 未必知車上的是何人, 多數不敢亂來; 甚至見到我們的車子越線加埋逆行 (好似係因為趕時間之類) 都無抄牌. well, 不過車上的陳設就真係 "內地" o左少少... 鑲邊的布質座椅套, 加隻內地開會時常見到的杯子當客杯... 而司機先生透露的, 也說道之前坐的客戶, 有的是商家, 有的是政協 (唔怪得公安見到佢架車時都唔敢問, 可能已經知道這車之前的 "大戶"); 最好笑係司機取出一張名片, 說是之前一位客戶留給他的, 不過他不知他是何許人, 只知是甚麼甚麼總裁; 老朽取過一看, 原來是 - 瑞銀大中華地區總裁... 果然, 甚麼達官貴人, 現在也要來中國, 看中國的鼻息.

說回來, 其實這六十年, 不易過, 不是這六十年的巨變, 中國或許, 會早點變成大國, 但也正是因為這六十年的動盪, 才會使香港有機會 "發圍", 有今天的成就. 也是因為這六十年, 才會使台灣發憤圖強 (敢打賭, 如果當年中國繼續由蔣介石"揸旗" 的話, 中國應該比共產黨當家更不堪...) , 也才會使美國佬有機可乘在東北亞駐軍.

鄧伯伯當年名言 "先讓少數人富起來", 已經實現了 -- 但還有多數的, 未富起來那群呢? 鄧伯伯未及講埋, 自己的骨灰已經落在黃河了. 但財富帛足, 文明卻是進步得很慢; 全國大概只在去年京奧時才使人有 "文明" 的感覺.

這天, 依然是值得慶祝的. 起碼, 仲有進步空間, 比無空間進步好得多.