其實 "煲仔" 是稍為容易的菜式做法. 只要分階段將作料放入煲中慢煮而成就是; 當然, 部分作料可能先經拉油或者出水, 不一而足. 卻還是如祖師爺所言, 是 "簡單可口的食製".
陳醋雞煲 - 這個煲, 不好看但好食; 雞是先醃好了煎一煎 (或爆一爆), 當中再以蔥頭在砂鍋中起鑊, 放入雞件後加入醋汁, 再加水炆半小時便成. 醋汁今次故意用了山西陳醋代替鎮江醋, 貪其色味較鎮江醋來得溫和, 老朽尚未清除咳底, 加入用來平衡 "兌味" 的糖也相對少些. 但為何會說 "不好看" 呢? 就是因為煮的那晚, 家中臨尾才發現完全無晒蔥花, 香芹等青綠而又可增香之物, 連芫茜都無, 所以就只有啡色一煲的上桌, 看起來不大吊得起食欲. -.-
清燉獅子頭 - 中日友好版
作法更簡單了, 有時間的話將肉分肥瘦, 瘦的用剁, 肥的切幼粒, 加入底味後加生粉和成肉圓; 稍稍泡油以固定形狀後便放砂鍋中, 注入湯汁, 慢火慢慢地 "燉" 半小時; 上菜前才加入菜膽灼熟. 至於湯底, 貪方便只用了開稀少少的清雞湯, 但卻手痕地加入了早前提過 "悅壽司" 老闆基哥送我的超甜味醂, 是以 "中日友好" 也, 於是整個湯鍋的味也改寫了... 咀刁的夫人一試就問: "你個咩湯底來的? 唔係剩雞湯, 有微微酒香同甜味但係又唔係酒, 屋企又無酒釀而個湯亦無酒釀渣" 最緊要係那句 "又真係幾好味喎, 點整o架?"
真係值得一試!!
沒有留言:
發佈留言