簡單宵夜 & 簡單(!) 早餐

晚上看電視, 不想次次食薯片呀之類太熱氣的東西 (家中仲有些南乳肉 & 么鳳的蝦子花生之類, 自製芋蝦一早食晒), 有時不知點算好呢, 但係老朽太太太太過為食, 不可能不吃點東西的 (所以愈來愈肥...), 尤其係當女王睡著之後, 和夫人看電視和傾o下偈就成了當天睡前最大的娛樂節目了 (和女王玩除外)



呢個好呀... 係意大利式的小點. 就只是簡單地把麵包 (厚身的軟豬仔開半為佳) 烘至硬硬o地後, 另外找小碟盛著三幾湯匙橄欖油 (初榨為佳, 凍壓初榨更為上品), 洒點海鹽花和加上一兩湯匙屋企有的香草 (用了醃羊的香草, 因為內含少少蒜頭和大量的 rosemary, 十分之意大利式), 已經係極之美味的宵夜; 有時如家中有沙律蕃茄的話, 用來切粒加橄欖油, 少少生蒜和 basil同埋丁點鹽, 又可以用來放在多士上, 就成了意大利著名的 bruschetta 小吃了.

有一天上灣仔法庭, 因為早散庭而又是星期五, 找到了灣仔的那家 "Flying Pan".



他們之前在中環開店, serve 24 小時的早餐, 大份得 lunch 都唔使食. 食過的都拍爛手掌, 今次他們在灣仔開店, 因為是樓上店的關係, 清靜得多, 也舒適得多. 買本攝影雜誌跑上去, 打電話回衙說遲點回公司後, 便可以慢慢嘆個 egg benedict, 吃其個半鐘的早餐了...

(仲要食完差不多夠鐘食飯!!!)