唔通... 出牙仔?

今日出席了東亞運義工訓練的第一場 & 開幕禮 (另文再談), 錯過了史上其中最慘烈一役.

下午6時半, 仲未回到家, 替更我姨仔同埋老婆大人來電謂女王訓訓o下覺嘔, 一床都係. 雖然唔係太多, 但係因為在床上, 所以就算趴著來嘔 (醫生話過都幾常見喎...) 都會搞到一面都係 (好核突呀!!!)

清理o左好耐, 張床褥才煩惱... 抹極都尚有餘味 (... =.= ...) 唯有掉頭用另一端 (不是另一面, 因為另一面是在 bb 1歲後才用的軟身面).

因為過往紀錄係一天最多嘔一次, 所以都好定檔喇... 點知頭先 11 點幾那餐又嘔少少, 30 ml 左右啦... (一安多o的)... 但係嘔完之後女王又對住我o地笑喎... 唉.. 真係激到彈起!

抹地洗衫已經悶了... 加上又擔心囡囡係咪唔舒服定係好似同事所講開始出牙仔導致呢? 真的不知道哦...! 更變態的是... 可能我已嗅慣了, 竟然開始覺得嘔吐出來的奶,... 有點甜味!!

所以, 我要上來急急記下, 當是發洩也好, 記事也好. 唉...