不過留意的是, 用再細點的蝦可能做不了這個形, 因為洗好去殼 (留少少尾) 去腸後要中間近頭位開一條痕, 將尾部屈上去才成了兔仔型的.
醃蝦毫是用二鹽, 胡椒粉, 少少生粉和半隻蛋白 (咪有蛋黃留來做沙律囉!), 醃三兩小時後才屈起去泡油至熟; 同時將蕃薯葉或者珍珠葉 (夏季才有辣椒葉的) 又係洗淨弄乾後 (一定要較乾)炸至脆身, 灑些海鹽花. 不過要 "翻炸", 今次時間不足, 翻炸得不好, 所以有部份蕃薯葉吃下去時竟是一口油的, 罪過罪過...!
而老朽煮飯, 無理由一味送吧, 所以除灼個菜之外, 另同場加映:
成日都整金菰牛肉卷, 有點悶, 所以今次用了雞柳剁茸, 用了點蛋白,糖,鹽, 胡椒, 生粉醃好後卷入肥牛柳中 (可以自切的話最好, 但花時間, 我都係買現成的), 再用點生粉收口後煎至半熟 (好快o架咋!) 之後落一小碗用雞湯, 日式鋤燒 (sukiyaki) 牛肉汁或照燒汁 (自行調校分量)和一點洋蔥茸 (湯和燒牛肉汁的分量比例大約 1.5:1, 加少少生粉開好使它變了個芡汁掛得上肉面) 做成的燒汁澆下去, 蓋上蓋兩三分鐘使當中的雞肉都熟了 (三分鐘已夠, 再長牛肉便韌了), 便成了一個燒汁牛肉卷了. (相中是煮好, 但未澆多一次芡汁上桌的成品) 夫人食過覺得正不在話下, 畀了少少女王, 食到唔出聲, 不斷的下飯才是王道! :D
其實, 呢個只係前奏, 我希望用牛肉整的, 是另一味送, 因材料難找, 不日發表... 呵呵!
沒有留言:
發佈留言