價值好似係 75 大洋, 平過好多地方; 而且見相都知, 質數相當不錯, 係屬於 "非常抵食" 的 (食o左後 lunch 已經可以慳返!). 食完呢個早餐後, 不會活力沖沛, 反而會想回家休息... 因為一個咁美好開始的一天, 不應該再被工作拖累的... :-)
又, 早排和細細妹 solo (無啦啦多個妹... :P) 走o左去老尖 BLT steak 試菜. 詳細情況o係佢那邊提了, 老朽就因為那支酒飲不完, 尚有三分一支, 於是那回家中, 整o左個炆牛腱, 等老朽夫人都可以試o下支酒... :P
用中式鑊去炆煮, 因為對老朽來說較易控制火侯. 支酒本身靚, 夠 full bodied, 而牛腱又係找之前留崩沙腩的那位牛販, 亦係正貨; 結果夫人由最初質疑 "腍唔腍o架" 到最後於兩小時後, 和老朽爭食.
同場還整了用鮮冬菰製作的素炸脆膳; 卻因為計量時太少, 炸起來得 "雞碎咁多", 雖然個糖醋汁較得相當不錯 (意外地, 因為老朽係第一次自己較糖醋汁), 但係因為數量稀少, 張相影起來如老朽頂上頭髮一樣寥寥無幾, 故照片不提也罷. 下次整多o的先畀大家看了...
***
後記: 早排全香港, 個個在 "柴九", 晚晚講 "十年".
今天凌晨就看新聞, 讀到美國那投資大騙局的馬多夫, 要坐一百五十年監.
這種超長的刑期, 大概只會在美國司法制度下看到, 因為就如 "計數咁計", 將多項刑期, 分期執行. 而英國制度下, 卻很少會將刑期拖到如此水蛇春. 大概, 是不同的制度, 同樣的刑罰了.
想說的, 是原來 (老朽之前無留意到) 馬多夫一直以來都係生意上大吉大利, 新數掩舊數的運作, 最後, 竟然是自己兩個乖仔去報警的, 正是天網恢恢, 或者, 係分贓不勻的結果, 又或者, 係佢乖仔大義滅親, 不過遲唔爆早唔爆, 就揀在美國經濟跌到谷底時來爆, 唔知佢兩位公子係咪靠害了...
沒有留言:
發佈留言