第一場係自家人的, 少少係因為外父唔想太多人, 所以只叫了兩門襯家來, 吃的也是兩家人都愛的和民外賣. 總覺得和民都幾有 "heart" 以連鎖店來說, 他們會做外賣的款式少, 因為 "好多野拎出去就唔好食o架喇". 呢樣, 係我喜歡他們的原因之一.
那晚的 highlight, 係斧頭姨親手做的蛋糕, 為了使喬女王都有得食, 就弄了個士多啤梨鮮忌廉蛋糕, 連外圍的 lady finger 都係自己整的... 勁!
老朽呢期都有個秘密行動, 不過請教了斧頭姨同好多高人都係不得要領, 真係要再想想點辦才可...
另一場, 就是七一時和其他小朋友 (親戚) 一起搞的生日會; 那晚好多小朋友來了, 好幾位都係一兩歲, 好不熱鬧; 而且托了年紀其實唔係好大的女王細姨婆 (只係大老朽五年左右咋) 和表姨兩位媽咪級人馬想了幾個遊戲 -- (人o地搞過幾年生日會, 點都醒過老朽哦)!
不過食物就比較煩, 初時只叫了美心的 party 套餐, 之後老朽媽媽就話 "無咩睇頭", 連女王紋章設計師姑姐都有一樣意見, 於是老朽又打電話去訂兩個 pizza 回來, 結果, 就係食剩晒o的o野o係度... =.= 而且遊戲不知何解好快就玩完. 導致有少少悶場, 好在大家都是時有往來的親戚, 不愁無話題, 而姨婆也早有此一著, 帶了一些可以幾位一至三歲一起玩的玩具來; 不過老朽發現, 自己幫人搞結婚, 比搞小朋友生日會更加在行, 尤其當我面對著食剩的八大盤食物時 (最後媽媽願意承擔部分食品, 取回老家慢慢食, 老朽只要負責 "剿滅" 其中 3 盤)...
這數天, 女王發生很多事, 不記下來, 好快會忘掉... (今次不用新聞形式了, 次次用老朽都有o的悶...下次先報新聞啦o下! ^^)
1) 打從上星期起, 女王在家中也會著鞋仔行路, 而老朽 & 夫人送給女王的生日禮物就係手推車一架, 睇o下女王驗車驗得幾開心!!
2) 其實, 女王已經開始慢慢的行路, 也愈行愈快, 不過又係心急得很, 成日跌, 不過多數係小事, 坐低一陣又起身扶住車仔行過. 不過昨 (5) 日上午, 老朽回了教堂幫手影相 (遲點另文再述), 夫人單挑看管下, 竟然可以讓女王從梳化邊 "翻滾吧!" 跌落地, 頭先著地, 左邊 "雲精" 瘀了一個五毫子圈, 也擦損了咀, 後來更見左膊也瘀了一點; 而當時夫人安坐梳化另一端, 大概在邊看電視邊看女王所以失神. 更抵死的是, 夫人竟然整天無告訴老朽, 到老朽晚上完成教會司儀再回家後才告知, 原因竟然是 "因為斧頭姨也在, 不想講太多, 怕她回去告訴媽媽 (老朽外母也), 使她以為我唔識湊女" (天...! 擺明係你有問題, 仲知情不報, 想點!?!?)
不過老朽雖然有點惱, 但見夫人都好內疚, 所以只係講兩句就無再話她了, 費事轉頭到她皮質醇偏高又挑剔老朽 (大概不少老夫老妻都是如此容忍相處, 才可以白頭到老吧?). 女王今晚看來雖然未散瘀, 也回復正常活潑了.
3) 女王的認知力突然進步, 首先, 兩星期前開始, 如果女王想要一樣東西而你找不著的話, 她會 "唔唔" 聲的用手指指著, 而自己拿不了, 或近一點的東西更會捉著老朽或其他人的手叫你去取給她. 如果給她的不是想要的, 她會不斷的耍手 & 有時加擰頭.
4) 今早 (6號) 老朽起床, 見女王已起身, 又在玩 "攬枕", 又將攬枕交給老朽, 但回傳給她就不要了; 於是老朽說 "唔係畀你o架, 畀你放返落床" (同時指指床仔), 女王竟然好似懂得一樣, 接過攬枕, 放回床上... 老朽真的看得呆了!
5) 呢張相, 暫時係女王生日系列中大家最鍾意的... 女王至愛 - Winnie the Pooh!
沒有留言:
發佈留言