(i) 陽春麵
(ii) 蒸饅頭
(iii) 雞絲粉皮的雞絲
(iv) 自己帶去的西瓜
有見及此, 夜晚食飯時, 畀了兩粒飯女王慢慢食... 以為會吃/咬好一會; 豈料十秒不到已經擘大口, 又再次鬼殺咁嘈; 最後, 夫人投降, 前後加埋畀了三分一碗飯女王食 (當時女王理論上已經食飽粥仔呀o下!)
2) 繼早兩星期女王識聽老朽指示將枕頭放回床仔上後, 這兩天和夫人陪女王坐地玩時 老朽叫女王先將車仔推去媽咪 (夫人) 處, 再去執返架車回來. 女王連續數次準確無誤將類似指示完成...!
3) 比較頭痕的是, 友人從美國回來, 帶了剛半歲的小妹妹來, 雖然女王第一次見人, 不過都頗罕見地同人玩到癲晒 -- 但剛戒掉食手指的她 (唔知點解戒到, 總之兩星期前慢慢減少, 上星期簡直極少再用咬牙膠), 見到小妹妹食, 自己竟然又食返手指...!! ><"
4) 女王, 上星期日 (7月12日) 早上, 下雨之後一天早上, 天清氣朗, 故此老朽即時夜觀 (早上點夜觀呢o下...) 星象 (likewise, 早上邊度搵星呢o下) 即時決定為女王落屋苑泳池舉行下水禮, 落水初時女王也有點驚慌, 不過十分鐘後已經坐在水泡上一邊用手划水一邊對腳仔似摩打腳的踢腿. 仲笑到見牙唔見眼. 友人請往 fb 睇相. ^^
似羅傘多過水泡的水泡...
**********
寫我心情...
到今日, 當了一年多的父親, 雖然時間依然是大部分都貢獻了給女王, 不過老實說, 近幾個月開始更加習慣了生活; 也開始為自己重新加入之前的興趣去適應. 例如出去和友人飯局一下 (with or without 夫人 & 女王), 又或者出外攝影之類. 時間上有點犧牲, 可以說是在所難免, 不過如此一來, 老朽就更珍惜任何一個時段, 和其他朋友的聚會了. 看來, 也差不多可以考慮再去打 wargame 了. 習慣以後, 就會發現, 時間分配, 若干程度上, 是靠自己的, 也不用太擔心生了小孩後「無晒時間」... (好似勸緊人生仔咁) ^^
沒有留言:
發佈留言