女王特別新聞報導

今次係一節女王特別新聞

昨 (14) 日晚女王成長管理局 ("管理局") 首席執行官老朽夫人繼續教女王玩不同顏色波波以求在年尾準備申請入學試時可以準確認出顏色及形狀 (訓練於三星期前開始), 女王突然用雙手將兩個波拍埋一齊. 至今 (15) 日傍晚, 管理局常任秘書長斧頭姨在由聯席監場董事暨顧問老朽外母手中接半小時替更時, 因不斷在女王面前拍手, 以致在老朽及夫人回衙時, 親眼見到女王一路笑一路o係度站立拍手. 此鼓掌歡迎式長達一分鐘.

另訊, 昨晚老朽夫人於訓練時, 問道 "女王你叫咩名?" 竟清楚聽得女王回應為 "咩呀...mi...bi"; 於是聯同領銜模擬試考官老朽再次詢問, 得到之答案依然係 "咩呀" 同埋 "阿 mi"... @@"

同場加映, 昨日中午帶女王前往管理局首席醫官鄒醫生診所注射唔知幾多合一o既一歲疫苗, 啪o左兩針女王只係喊o左一句 "耶~~!!" 之後就望住戴o左口罩的鄒醫生, 懷疑女王正在點相, 他日有冤報冤, 有仇報仇, 誓要啪返鄒醫生兩o野... (但係可能點錯相, 因為醫生戴o左口罩...)