愚．影．隨形

從幾個月, 重新 pick up 攝影開始, 已經在後悔 (當然不是後悔重新拎起相機).

不詳贅, 在之前兩篇已經提過點解. 主要就是浪費了十多年的時間.

最近就是因為想再看多點, 所以四圍去睇其他師兄師姐的 blog 呀, 相集呀之類.

愈看愈恐怖, 或者說, 愈看愈恐懼.

不少人的功架, 成功地好好控制了相機等 "架撐". 當然, 有不少失敗之作.

但老朽一路看, 一路標冷汗. 原來我 miss out 的, 比我想像中多一千倍, 一萬倍.

我不是想做個無敵攝影師, 連我老豆都做唔到的話我睇怕無可能做到. 但是, 起碼想似個像樣的攝影師吧!? 唔得, 因為根本無時間去 pick up. 如果在早幾年未有小朋友時重新 pick up, 還可以四處約人影相. 現在, 最多做我 model 的就是夫人和女王. 而且, studio, 就只在屋企. 外景, 99% 都在樓下花園.

無辦法有好好的進步. 拎住靚機, 買晒大三元鏡, 1.2, 甚至 0.95 光圈的人像加微距又如何? 咪變成了大師 Ken Rockwell 口中的儲架撐的魔鬼囉.

見到別人的大作, 老朽, 自慚形穢. 自己問自己, 你拎住架機, 做乜 x o野呀!? 阻人發達就有份.

又, 甚不喜歡大家在分黨分派, 當然說說笑可以. 但好多人就說 "canon 影人靚好多,柔和好多o架", 又或者 "nikon o的色實淨呀" 於是大家就好似少林武當咁打起來, 互相 "毒害". 之後用 leica 那班就走出來說自己高人一等. 而用 pentax 和 olympus, 還有富士的數碼人又會說自己才是王道, 才是真功夫.

鬥得最勁的, 一定是 canon 和 nikon 但, 那如果真的一件東西是一定比另一件好的話, 那為什麼差點那件仲可以存在? 一樣o野, 可以存在長年, 一定有他的長處和地方. 家父咩機都用, 幾達 Rockwell 所提 artist 的最高境界. 亦教我擯棄門戶之見 (當然, budget 另計). 於是, 老朽也在度緊條數, 在 Nikon D700 外, 買多架二手 Canon 50D 加支 L 鏡來玩玩.

但是, 這一刻, 突然間, 唔係好敢行埋架相機度, 驚自己配架機唔起.