Fiat Caffe

早幾星期, 當知道可能會有二皇爺時, 老朽和夫人的確開心過好幾天, 好在沒有和女王講, 唔係而家一定實成日提起, 盞使夫人傷心.  不過早兩天她有少少傷風看了家庭醫生, 碰巧她休息, 所屬醫療集團派來的替更醫生不知是否太 junior定係好想知道, 問了不少無需要的問題, 甚至問「咁係咪即係叫做『死胎』呀?」等等尷尬問題, 使夫人看完醫生回來又down了好一會...

想起上幾個星期剛想著二皇爺會來, 那個星期我們去了銅鑼灣吃飯, 是女王上完音樂班的時份吧. 夫人聽同事說車廠 FIAT 開了一間小餐廳, 老朽見網上風評也不錯, 便去試一下.  覺得不錯所以都記下來.

去到見到的是一間小店, 一邊是 sell 車的, 還放了幾架可以登上去的真 fiat. 女王可開心了, 還開了人家的死火燈, 又有小朋友響了「安」, 嚇得人魂飛魄散. 

尚幸我們早到, 只等了一會便有位, 還是最多人想坐的 "車型檯".

因為都等了好一會, 夫人和女王都餓, 即刻 order 了人氣最高的兩樣:

 

溏心蛋吞拿魚沙律 - 加了刁草做汁, 還有少少 capers, 好清新, 而溏心蛋烚得不比我差 (呢個係 compliment, 睇開呢度都知我煮溏心蛋係唔錯的), 吞拿魚雖然係罐頭, 但食得出唔係曳o野. 加了油醋汁整體感覺好好.

鎮店之寶: 蕃茄醬肉丸配米仔意粉 - 另一不錯的作品, 茄醬好濃郁, 好西式, 如果食開香港 style 的稀茄醬可能不太喜歡, 但我覺得超得. 米仔意粉亦不會太腍, 可能是做得多次故, 廚師早已經掌握了竅門.  不過肉丸因為算是現做, 所以會有賣完的一刻的.

另外因為碟頭細, 所以又叫了雞蛋煙肉 panini:- 三人食兩樣當然不夠, 加了panini 後仲加多碟 pesto sauce 意粉才飽. 呢個我無食, 夫人話唔錯囉...

埋單四份 東西三百多元, 以銅鑼灣來說價錢中等, 不過質量頗佳, 可以一試.