真老細, 假老細

呢幾星期, 可真是夠忙的... 本身已經要為太太和已確定「暫不登場」的二皇爺操心, 而公司倒也全無清閒的時間, 但始終工作也要繼續, 所以亦一樣少了時間 update.


之前提過, 過了新公司後, 和早年一早已經相繼過檔的師兄和師父拍檔拍得不錯.  所以工作上會有轉變. 

對, 精明的你可能已經估到, 是師兄誠邀老朽做這老店的 partner, 即係合夥人.  部署時間已經很長, 但老朽一來不太想大鑼大鼓的, 二來在這雖然是老牌不過卻仍不算是大型律師行中做個二老闆, 其實不比之前搵多好多, 不過的確, 做得比較開心, 而且自己因為「撈路」都多不同型式的客戶, 所以新公司這邊可以提供多些不同類型的服務, 所以工作上可能真是會比較開心.  而且和師兄&已屆退休的師父合作, 沒有了當年在舊老細麾下那種被當「阿四」的感覺.  而自己當然也會時時警剔自己, 對同事要鬆緊有序, 一收一放才有人為你真心工作的.

因為現在是多了做 admin 和接觸客戶, 所以性質完全不同, 但同時新公司發生了一宗另一位律師被炒的小風波, 因為那位律師已經憎o左師兄, 所以老朽就變了傳話人, 盡量和平地解決.  亦因此自己落手落腳處理 file 的時間少了, 也就要靠同事們幫幫忙.  當然, 少不了是盡了力, 力邀自己之前夾開的秘書小姐過來助陣.  原本都仲諗緊點樣可以請她過來而不會好似「撬人」, 費事得失那班舊老闆 (尤其係比較好人的那位), 點知有天秘書找我吃飯, 原來她已經決定辭職, 問我可不可以為她寫 reference letter, 我當然就話「寫咩丫, 過來幫我手咪唔使寫囉」.

講起同事, 呢邊和好多公司一樣, 大家都會知道大老闆是老闆, 而我就是二老闆, 不過亦有時有些做得長時間的, 間中在「適當時候」會當我透明, 但當然, 在大老闆不在而要找人救命時, 自然就會有人必恭必敬地找「二老闆」救他們的了, 對這個中環其實好常見的現象, 早已經不覺得有問題, 畢竟, 作為新 partner, 師兄是大大份, 我係細細份, 呢個分法係好正常的.  自己當年在舊公司, 咪一Q樣係咁... ! 

相比之下, 想起舊公司的大老闆, 想起他的作風, 真係心想: "咁點做老細, 點做「大佬」呀..." 不過, 你唔好理, 正如剛和舊公司那位老友老闆食飯時他所說「佢死好命, 成世都有人幫佢手搵錢」, 呢個世界就係咁, 好多野, 唔恨得咁多, 亦無謂恨咁多.