女王金口語錄 (2011年3-4月)

雖然姨仔 confirm o左個瘤係惡性o既. 而且比想像中大o左少少 (成 10 cm 喎...), 仲散o左一粒好鬼細o既去另一條上身 lymph node 度 (真衰...); 不過問o左 prognosis 都幾樂觀, 所以大家都鬆o左少少又多o左o的o的正能量. 等下星期準備開始電電電電電, 電鬼死晒o的癌細胞... 永無翻兜, 阿彌陀佛, 天主保佑... XD

同時, 呢幾星期女王都多多野講... 節錄部分如下...

1) 國子監靚女班主任引述女王話「爸B煮o野食好好食呀, 不過媽咪就剩係識煮通粉」 (資料來源:接放學的麻麻) (其實唔係, 只係夫人近大半年都無咩時間煮, 次次都係我爭住煮, 所以廚藝退步了)

2) 女王:「爸B送個晴天畀你丫!」(已經 "送" o左畀媽咪, 所以送埋畀爸B)
我:「多謝呀~ 咁個晴天o係邊度呢 (望上天, 作指示狀) ?」
女王:「o係電視廣告度!」

3) 剛剛戒片的女王在麻麻屋企 "度假", 有晚突然跑去姑姐側邊叫 「要噓噓呀~!... 嘩! 嘩! 快o的呀, 就來頂唔住喇!」

4) 原來女王唔鍾意用 "獅王牙膏", 之前睇廣告又鬼殺咁嘈要用, 而家一刷牙刷o左幾下就會喊晒口咁叫「唔玩喇! 收工喇!」

真係都唔知畀佢激死定係笑死... 但係如此下去, 我怕女王太 "精叻", 變o左o的無童真的 "港童" 就弊...