月餅...

原來真的是 "一年容易又中秋", 各位好友中秋節快樂!

早幾天又因為女王身體抱恙; 加上工作上極多鎖碎事要跟進, 所以連中秋想早點上來分享今年的 "老朽月餅精選" 也遲了. 到了中秋正日才出 blog, 或者... 哈哈, 大家下年可以去找找看試一下是否還是 "對辦" 的.

老朽近數年每年中秋前都會四出試一下各式較傳統的月餅, 有時遇著大家 "傾得埋" 的餅家酒樓又會班門弄斧給點意見, 之後揀選幾款用來拼一個 "集成月餅盒" 來送給好友, 或者和老朽飲食上大家多有交流的友人做個 "等價交換", 今年也不例外. 老朽近年的月餅選擇, 多是以下數款:



雙黃蓮蓉: 蓮香
(蛋黃)金華火腿: 西環卓越
上海蘇式鹹月餅: 老三陽 (鮮肉); 新三陽 (火腿)
潮式酥皮月餅: 上環曾記 (烏豆/綠豆); 貴嶼和記隆 (蛋黃芋泥)

老朽不太喜奶黃月餅, 故半島嘉麟樓不在老朽選擇之列.

老朽早年試過深水步的 "生隆" (北河街街市側) 的五仁果子, 亦係上選, 不過今年無時間過去再聚.

簡評:

蓮香的確係 "蓮香", 蓮蓉不會一味 "死甜", 而真的有蓮子香味; 不過今年蛋黃一般, 油水尚算及格.

卓越金腿: 他們是 "家庭式" 制作; 隱世師父說他們是國內生產, 不過老朽親眼見到他們一家人自己拆華腿, 打杏仁, 去年有小朋友的家嫂就在櫃面收銀; 真的有點溫馨的感覺. 他們的金腿, 保持水準, 鬆而不散, 鹹甜適中; 今年再查詢, 又畀老朽問到, 原來秘訣之一就是加入 "五香大頭菜" 入月餅中!

蘇式: 今年老三陽發神經, 個火腿月餅入面極少火腿, 而且腿香不足; 新三陽頂上. 老三陽只剩鮮肉好吃. 希望下年改進.

潮州式: 一向都是 "貴嶼仔" fans; 今年他們的芋泥和蛋黃依然極佳; 不過正如他們老闆向蔡瀾 "供稱": 他們少用豬油, 亦係咁, 所以餅皮一年差過一年, 連出爐不久的酥皮也不酥. 返而曾記粿品 (他們每年到農曆七月尾就不做 "粿", 而改做月餅) 的皮, 真的可以見到好多層的分別...



不過今年 (八月十一) 去和記隆, 竟然已說 "得返淨芋泥", 其他都已經賣光... 而另外, 也有將 "潮州甜白皮餅" 用來當月餅吃的, 也相當不錯.

另去年鴻星出了個鳳梨月餅, 在路過時他們請老朽試食, 之後畀意見. 階段一食已經覺得全不對味; 之後我 捉住個經理, 只講o左幾個字: 不倫不類. 今年, 他們再沒有呢隻餅, 大概是眾多試食的大腕們都覺得不對口味.

月餅講完; 講返中秋 - 今年買了個小燈籠給女王; 希望他會拿著跑來跑去呢!