年三十才剛病愈大半, 又話要過年, 家中真係 "咩都未整", 好容易搞定自己家, 又要去老家幫他們新屋點綴, 而且老父做足傳統, 年初一半夜拜神, 見佢拎來拎去都不忍心, 所以我也會回去幫他 (老朽夫人好少理, 一早同埋女王覺覺豬).
家中一向放吊鐘花和水仙, 打從老朽開始拍拖之時就多了放一株桃花, 後來老朽業務開始有做生意, 便買棵大點的所謂討個彩頭.
揀桃花真的講手神, 因為買的時候多數是扎起的, 只能從枝條密度, 已經綻開的花色, 樹底的老勒程度, 還有 "疑似" 花蕾的分布密度等去揀. 不知是否金融海嘯的原因, 今年的6呎高桃花只要四百多一點已經成交.
漏夜放好和修剪了桃花, 還有外母大人 "" 得好靚的水仙後, 一望個鐘, 竟已是年三十的凌晨六時, 剛剛好可以看到 《Cable 早晨》!
2 則留言:
你屋企棵桃花好靚呀!
元帥我祝你大吉大利、萬事勝意、身體健康、笑口常開﹗我祝你個女愈大愈靚、冰雪聰明、孝順善良，哈哈，好唔好？
哈哈... 謝謝. 揀花, 好睇眼緣的... 我係因為見那檔係一家人有老有嫩所以駐足, 就係咁買o左棵花, 而家開始結桃子了
又估唔到除了東亞運班義工朋友外仲有人會留言呢...
我好似在你的 blog 都恭喜o左你喇... 再次希望你今年身體健康, 雙眼精精靈靈, 隻手唔使PK擦地... :)
發佈留言