簡易小吃- 叉燒饅頭

記得這味是上月母親節時弄給外母的家宴當中一道餐前小吃. 

容易得要緊, 但又見得人, 只是買兩款東西: 少少叉燒請師傅盡量切薄, 和超市的蒸饅頭一包.  呀, 還有少少麥芽糖和叉燒醬. 

先將饅頭打橫一開三, 之後一半蒸, 一半炸, 同時將麥芽糖和叉燒醬座水煮成濃汁 (其實好少已經夠) (唔好明火煮, 好易燒焦), 將叉燒薄片蘸上汁料後放入兩塊切薄了的饅頭中間便成; 美觀點就用條韭菜花拖拖滾水扎起就得了.  之後將蒸和炸的梅花間竹分開放來排盤即成.

美味又實用的材料, 俯拾即是, 只要稍動腦筋就可以做出人人讚賞的小吃了.  (好似電視教煮送的口吻...) :P