仁者無敵, 勇者無懼

天下老闆, 多數都係小心眼. 好可惜, 無一倖免.

連自己最熟最老友的老闆, 始終都係 "老闆".

話說老朽公司即將 "搬竇", 正所謂上屋搬下屋, 唔見一籮穀. 老闆們著緊, 是應該的.

老朽今次都爭唔落, 因為家中早約了本週五拜山 (遲了點, 因為有老有嫩, 大家想有車上山的日子才出動), 早知公司下星期搬移, 卻較後才知道要本週 pack 好, 下週一已經要交場, 那就是說, 機場搬遷大行動會在本週後段 "急急展開", 而且要 "急急如律令" 的. * 好不精彩.

事就一定是那麼蹺: 想請假拜山, 自知一早可以執得切東西 (上星期已經執好了私人物品, 只餘公司 file 秘書會幫手入箱), 但老闆可不這樣想.

剛才就老朽 "爭唔落", 係因為上星期五前無早點交放假申請紙, 交的時候又無機會找老闆講清楚: 其實老朽打算掃墓後就會回公司看看有什麼幫手的地方.

但一時忘了, 於是, 假紙今早出現在大老闆眼前時, 他臉色一沉.

卻不是即時宣召我, 而是找好友老闆; 不過當然, 因為老朽之前無機會講, 而今早又遲了點回公司, 所以好友老闆一樣不知情. 就這樣, 老朽被扣了個 "臨危走佬" 的帽子.

據好友老闆後來說, 大老闆當時找他, 連上次老朽做東亞運義工的事也拎出來說, 話老朽掛住出面做義工, 公司條數都未跑完 (當時未夠數) -- 大佬呀, 我一來有假未放, 二來一早應承了, 三來我真係鍾意做義工, 四來我好想參與呢件盛事, 五來我放呢幾天都有回過來工作, 六來我就算那幾天, 也不會有 file 或者律師費由天跌下來, 早點幫我跑完數.

老闆們卻不是這樣想... 說老朽出面搞得義工和其實瓣數多, 說真的還不是三兩次的義工和那些掛名的法律顧問! 真係欲加之罪!

不過, 這個惱人的想法, 只維持了當天左右, 之後老朽想起名句中的名句之一...

「仁者無敵, 勇者無懼」

老朽說到尾都有少少仁心, 講勇, 老朽不多, 還有三斤釘. 那就是 "少少無敵同埋少少無懼" 了.

即刻唔驚, 你地仲要旨意我幫你去 "lum" 客同搵食, 遲早你會知我係幫緊你地幫到公司的, 難道怕你不成!?


*: 律令, 是周朝人士, 來去步速極快, 死後封為電神, 所以有 "急急如律令" 一說, 就是道家符籙派的師傅要命令像律令般快速... 有點像現今的老闆們... -_-"