女王22個月新聞報導

1) 女王近幾星期在受薪董事蓮姐教導下, 除o左開始識得用 "tub" 上去大人廁所板去買大開小之外, 更緊要係原來該受薪董事係高教育水平人士, 數星期內教曉女王唸「床前明月光, 疑是地上霜, 舉頭望明月, 低頭思故鄉」(李白-《靜夜思》)! 仲有「慈母手中線, 游子身上衣, 臨行密密縫, 意恐遲遲歸 (下面 "誰憐寸草心, 報得三春暉" 唔記得) (孟郊-《游子吟》) 既然係咁, 老朽都唔執輸, 教o左兩句「人之初, 性本善, 性相近, 習相遠」的《三字經》過佢, 至於《千字文》惟恐女王一時之間太多o野, 就算幾咁博聞強記都記唔晒, 所以遲少少先.

2) 同時間, 女王麻麻除o左耳濡目染地教了女王講「你真係搞笑!」(!) 外, 亦教o左... 「tum tum 轉, 菊花圓, 炒米餅, 糯米團; 阿媽帶我睇龍船,我唔睇,睇雞仔,雞仔大,拎去賣,賣得幾多錢? 賣得兩文錢!」

3) 另悉, 太后夫人昨 (4月7日) 也教曉女王分左右, 用「左手 bingo」同「右手 bingo」來玩; 仲有, 識講 "one two three four five six seven eight nine ten!" (不過一定係連續, 亦相信女王唔明即係1 2 3...) 下一步據宮內廳慈寧宮太后發言人所述, 係分前後云云...

4) 女王又特別喜歡食薯仔 (同太后一樣), 當然係薯蓉啦; 但更加喜歡飲湯, 但凡係湯類物體 (只要用碗裝)都會好似競飲大賽咁, 唔睇實佢就會同o的參加者一樣飲到流落兩腮, 好不 "香艷" :O... 至於其他飯送, 由新曆年後起已經午晚兩餐和大人無異, 不過最近兩天不大喜歡食方包送奶奶 (咁講真, 食得多都厭啦, 因此尚膳監決定明天食... 提子包 (其實上星期在麻麻屋企食過, 念念不忘!))

女王飲湯陶醉樣, 問你怕未!? :D