台灣蔥油餅 vs 蔥餡餅

唔係講笑, 呢樣都係老朽有時出去工作做得好夜時的 comfort food 之一.

 

我估不少人都見過超市有隻「蔥烤餅」賣的. 就是少少似印度那款 Roti Canai又或者係台式抓餅那款, 係急凍的, 用易潔平底pan 一煎就食得. 仲可以自行加料例如加少少吞拿魚呀之類的上去.又或者加隻蛋同蔥花 (即係煎好塊餅, 之後再煎蔥花蛋, 打好蛋落鑊的時候再將塊餅蓋上去使其貼實).

 

早排某百貨超市做台灣食品節, 竟然又找到一款這樣的東東...

 

 

因為見到張相入面o的蔥係包在餡料的, 即係同一向的不同. 又唔係貴, 好似係35大洋6隻. 一試無妨. 

指明係慢火少油去煎的. 同 roti canai差不多. 每面煎三分鐘左右就變得好香, 不過側面會少少爆, 漏了一點蔥汁出來整黑個餅同隻鑊.  result 如下:

 

吃下去外脆內軟, 而且蔥花仲係半生的好香又有汁 (不過中間部分餅皮都少少未熟得透, 試過幾次不同火路都係咁 少少美中不足). 堅係抵吃的東西.  不過不知道平時邊度有得賣了...