一個遺憾, 一點安慰

整個星期沒有寫東西, 有點倦.

本來想開一個新的標籤或分類, 但暫時, 似乎不用了.

我們一直想在女王之後添個「二皇爺」, 本來是個喜訊, 兩星期後就變了個惡耗. 

係咪真係好「不幸」? 又唔係, 因為那小小的小不點連形也未成, 只是一小堆在夫人體內的cells. 未有任何心跳或形態, 只是個「囊」.

陪夫人在上次替女王接生的私家醫生房出來時, 她突然哭了, 係好失望的啜泣, 那一刻, 我講一個大話「B仔知道我地未ready, 又或者女王未 ready 做家姐, 所以畀個 sign我地先, 話我地知佢想來, 之後提醒我地, 等我地ready先來囉; 只係遲少少o者, 而且知道今次唔中, 早點知仲好」 -- 只有最尾那句係真話, 的確, 如果胎兒不長, 是早點得悉為佳的.  但, 在夫人前, 不要提及「小產」或「流產」等字眼.

似乎這湊效了, 夫人好快用呢個來使自己相信, 而且開始諗轉工和幾時可以再次準備有BB, 同埋諗緊幾時再次可以食大蝦芒果沙律 -- 是我應承整畀佢食的, 要用虎蝦.

可能是教友的關係, 我知道上主必會照顧我們, 而且和我們同行.  祂也讓我們二人同行. 女王也似乎這兩天乖了點.

當然, 一切只是感覺, 我自己仍是失望的, 不為什麼, 只是有點失望. 但我信上主有安排, 也有祂的理論, 所以大概比較容易接受.

老人家當然理解, 只一心想我地都開開心心. 唯一係外父, 他的關心模式比較「著緊」, 打來係咁哦我話叫我「督促」醫生快點「動手」. 勉強頂完佢一輪攻勢後, 我收線後真係掟爛左少少個電話, 之後我同夫人講聲對唔住. 

未知道幾時和用咩方法將那堆我們叫做「胎」的組織取或者排出來. 我現在只想夫人快點復元, 身和心也是. 

我唯一知道的是, 二皇爺遲早都會來的. 人就好在呢樣, 因為, 有希望.