鹽田仔? 鹽田梓?

十年八載前, 大概無咩人聽過 "西貢鹽田仔", 又或者 "鹽田梓村".

直至馬會在滘西洲開了個大眾化的高爾夫球場, 建了一座橋接通才多點人知道那裡原來多年前是 "種鹽" 的地方, 只是近二十年都荒廢了. 更成了幾齣港產恐怖片的取景場地.

更加少人知道的是, 原來這片小島是百多年前香港首先出現天主教堂的地方之一.

不要問為何會在這個當年都是人煙不多的地方建起座小教堂來, 因為天主化工, 從來都是神妙莫測的.

還是香港出了位陳副主教, 作為副主教和鹽田仔原居民的他, 積極推廣這個被荒廢的小樂園. 再加上本土近幾年有些 "生態團" 都會路經這個當年用天然方法來產鹽的地方, 才再次使這個小島活起來.

上星期是天主教聖若瑟堂百二週年. 全島的原居民幾乎都回來了, 原來倒真的有不少是去了外國的.

陳副找了我們幾位師兄弟來幫手影相, 才見到這豆腐潤大小的地方, 當全島都擠滿人的時候, 想行步路都唔容易. 而且那個「公投日」, 天氣有點點熱. 不過, 我倒樂得有機會出來影相, 只可惜當天那 17-35 廣角 zoom 未到手. 而那天, 島上就有一位原居民領洗, 而付洗主禮的, 就當然是陳副了. 仲話上次島上教堂有人領洗, 已經係五十年前的事了.

小小教堂, 迫滿了不知是否教友的人, 還有特地來幫手為堂外新的銅鐘揭幕的發展局長 "林鄭". (島上數十年前設銅鐘, 有事就會敲響, 響得全島都會聽見, 用來召集村民; 不過多年前被人偷去, 是陳副在早幾年前托人在意大利訂購一個新的)



在這個小教堂中, 找到了一份在大教堂找不到的感覺, 就是寧靜, 不浮誇, 沒有雕龍雕鳳, 一切都係淡淡的 -- 其實和那新的鐘有點不大協調, 大概, 要經過歲月洗禮, 兩者慢慢才會融為一體. 就好像袁中道《香山》所言, "然要以數十年後，金碧蝕於蛛絲，階砌隱於苔蘚，遊人漸少，樹木漸老，則恐茲山之勝，倍當刮目於今日也".

禮成後陳副出西貢宴請我們一班工作人員食海鮮餐, 畢竟我們大班人除了一份簡單三文治或一兩件燒肉外, 整天都未吃東西 (聖體除外呀o下!). 當然, 一般的西貢海鮮餐不是甚麼超級來頭, 不過大班人聚聚, 得啖笑, 仲想點?

入手...

一早想買多支 ultra-wide 的 zoom 鏡, 不過又覺得貴了點; 但見了不少師兄的大作, 和不少新人的相後, 最後還是忍不了手; 不過雖然考慮了幾星期, 又訂o左幾星期, 最後 short-list 了:

14-24 f/2.8 港幣萬四

17-35 f/2.8 港幣萬二

16-35 f/4 VR 港幣一萬

好不容易找到了相熟的店子, 找個人來幫手找了幾支來試. 短評係

14-24: 太重, 足足 1 kiko, 又太貴, 仲用唔到 filter, 前面有隻 "大眼" 咁, 好易整花; 但係成像 sharp, 仲係非常銳利o個隻. 世上只有呢支 full frame zoom 有 14-24 有咁勁效果. 而且係 "大三元" 之一. 不過邊位變形亦係最勁.

17-35: 中間啦, 角位在光圈全開時有黑角, 變型倒不是太嚴重 (都有o架喇), 唔算重又可以用 filter; 都 ok sharp. , 而且係可用大光圈; 呢支亦係出得最耐的鏡, 1999 年出廠到而家都仲有市場, 真係 "有o的野喎"!

16-35: 試完後覺得夠輕, 而且有 VR 防手震, 但諗諗o下: ultrawide, 無太需要防手震嘛, 但係夠平 (比較上), 又比 17-35 闊了1 mm (別看小, 可以好大分別的); 但係呢, 相質在放大下, 稍稍不夠 sharp.

經過兩星期的考慮, 最後決定:





試後覺得, 無後悔!! 唯一有少少遺憾, 就是 "大三元"　就只缺了那支 14-24 了...

騎呢的母親節

今年母親節, 老朽因為時間不足, "只是" 根據早幾星期由夫人處得知她近來有甚麼想要的東西 (例如一個有軟墊的 "人體工學 mouse pad" 之類); 總之夫人開心就是了, 禮物不用太貴.

又是食飯和食飯. 今年老朽唔煮了, 而且老媽子一向比較 "潮", 和老爸一樣, 比較喜歡試不同的菜式. 想起之前提過專食燒排骨的老 "骨場" Tony Romas. 她說之前老朽只和她去過 Outback 食 blooming onion (但老朽明明記得和她食過 onion loaf 的). 而且夫人又想再去食 ribs, 所以就有母親節前夕去了吃.

普普通通的中上一餐, 無特別驚喜, 但除了個串燒蝦比起 Bubba Gump 差和太軟 (忙懷疑肉霉了) 外, 也想起他們的蘋果批加雪糕.

因為外母家庭多了幾位女婿, 大家都要就日子情況下, 今年正日由外父發辦, 去了他之前飲開茶的相熟店子, 就是銅鑼灣的 xx 皇宴.

外父好多時都是個有點怪的人, 可能因為是家中獨子, 自小已經無人敢向他 say no. 就算大都不一定滿意他的也照樣 "去馬". 久而久之就養成了他真正地以為自己的決定天下無敵.

不是說他有不是之處, 只是覺得怪, 好怪.

言歸正傳, 就是那 xx 皇宴, 多了一條樓梯. 大家吃了一餐要睇時間交檯. 所以吃完時間尚早, 就係咁出事.

夫人話想同女王影些我們三個的 "全家幅" 哦. 見到人家是個婚宴場地 (雖則我成日去) 有條樓梯幾靚, 所以想影, 點知影影o下又掛住望住女王, 而酒樓的逃轉樓梯的一邊又特別窄, 結果就一下子滑倒, 坐在樓梯滑了幾級, 條腰 "un" 到樓梯的一級了...

夫人初時話無事, 但係職業病發作, 老朽都係向酒樓備個案, 之後去了私家醫院睇睇... 照埋 x 光...搞到晚上十時半才回家, 好在女王由外母和女王細姨同埋佢男友一齊睇住先.



後記: 兩星期過去, 夫人都係間中話痛, "卒" o左藥膏都係咁... 不過我覺得... 有少少係心理作用, 成日 "蝦" 我要我幫佢卒囉. :P

三杯酢

日本人喜歡做醃菜, 這個九成九都是中國傳過去的風尚. 兩地還有韓國, 加起來幾個地方, 醃漬物都各有特色.

日本人醃漬分好多個不同種類, 有甜酸為主, 無需發酵的 "福神漬", 再細分不同款式的酢; 有以鹽味為主的 "淺漬"; 也有加入了木魚湯的 "土佐漬"; 加入乳酸發酵的 "千枚漬"; 加入昆布和豉油等等的 "松前漬" 等, 凡數十種; 每款產物用不同的方法醃漬, 出來的效果都大不相同.

而在多種的日式漬物之中, 當中以福神漬類別的 "三杯酢" 比較容易製作, 也是不少香港人的心頭好.

製法都好簡單, 一般來說就是用米醋, 味醂和日本淡口醬油 (無淡口醬油的話用普通日本醬油也可, 但份量稍減和要加多一點點醋); 最後加入砂糖調味. 一般來就, 醋, 味醂, 醬油和和糖的份量大約是 5:2:2:2~3. 將汁料稍稍煮至微滾放涼就可以使用. 記得不要熱漬.

至於最常見的漬物就是青瓜 (胡瓜) 和海帶乾 (日本超市有售, 一浸水就會發大). 切青瓜有個妙法, 可以切出不斷的扇形, 就是用筷子夾著來切, 刀就不會到底, 到切完後才每幾片切斷:



青瓜切好後抓鹽放十分鐘左右就會出水, 用少少力榨乾出水就可以和浸軟的海帶一起醃了.



一般來說最快半小時食得, 但我就喜歡醃過夜才吃. 吃前再加入櫻花蝦又或者買回來的糖煮小蝦, 可以提鮮, 又無咁 "寡", 亦可 "加色". 呢碟東西仲可以送唔少飯, 又可以放多一兩天; 不過長放就唔好喇, 因為青瓜會慢慢吸收了醬色, 不美觀, 都係兩天吃完好了.

戒尿片.......

女王已經一歲十個月了, 過幾個月就要去 "維記" 返學. 雖然身型都係奀瘦少少, 不過好多東西都進步了好多. 全句句子對於女王來說已經無難度, 有時和她傾計都好搞笑, 但另一方面又怕女王太 "老積", 好矛盾. 有時女王都會自言自語地講一大輪, 好好笑.

而前幾天最大的驚喜是女王竟然識得聽英文步操口令; 其實是因為女王之前喜歡聽音樂, 而聽到一些軍樂時又會跟住拍手 (因為軍樂節奏相當清楚, 所以用來訓練 bb 的拍子最好不過), 所以老朽試過幾次教她聽 "Attention!", "General Salute, SA-LUTE!", "Hands Down!", "Fall Out!", "Guard of Honour, Eyes Front!" 之類. 女王聽埋聽埋, 前日無啦啦突然自發地叫 "sa-nud!" (salut!) 之後將右手擺額角位, 之後又 "hen-down" (hands down") 就放低手, 極之搞笑.

另一個近兩星期的主要 task 就係要準備幫女王戒穿尿片. 先由保姆姨姨幫她著 "戒片褲", 就是一些較厚的內褲, 如果尿褲子的話會覺得不舒服, 之後每半小時問她要不要去尿尿, 那她應該慢慢會知道要去尿尿的時間的. 有時 (尤其是星期六日無姨姨在的日子) 就會著即棄的方便褲子.

開頭三兩天, 的確是比較 "痛苦", 而且女王多數都不太知道我們的意思是想戒尿片, 所以一天下來已經尿濕了六條內褲. 連 hi-chair 和 play-pan 都濕埋要換墊子. 但慢慢地過了幾天, 她開始 get 到我們希望她忍一會才去洗手間用加上去的 hello kitty 小廁板.

雖然這兩天有時女王都會尿濕了戒片褲或方便褲, 不過每天只是換兩三次 (隔晚的就算真的乾淨都會換啦...!). 而每朝早都會先帶她尿尿一次, 老實說, 當我們見到一條乾的隔晚尿片, 和聽到成功的尿尿滴落廁所的聲音, 真的有點安慰加上欣喜的.

這種感覺, 未當父母的, 不會明白... ^^"

美酒匯萃... (都唔係賣廣告o既...)

好友的好友在元朗區一向都有點家勢, 有辦飲食業的, 也有辦其他生意. 早大半年就和一些老行尊開了一間酒窖, 地點也是在元朗西菁街. 早前和友人去 "八卦" 一番, 只知道他們一向都會賣靚酒, 不過就估不到有點平易近人的 collection...

他們基本上全店的放酒 condition 都甚佳; 所以靚貨貴貨就這樣的 display 出來也不會影響酒身; 不過將 Le Pin, Cheval Blanc, 甚至意大利的 Sassicaia, Ornellaia 等等 super tuscany 都有... 當然, 價格不菲, 但比較中價的好酒, 他們一樣有, 而且長年都有一兩位品酒師可以在場提供意見又或者和 "飲家" 交流一下. 老朽就覺得真係 "唔買都來睇o下".

更加吸引人的, 是他們有一些比較罕有的靚酒, 不過那些酒老朽真的只會看, 暫時 (可見的將來) 都不會, 也無錢買的, 例如美國被炒到飛起, 幾皮o野 (仲要搵到先係喎!) 的 Screaming Eagle, 又或者著名 bordeaux 紅酒莊出來 "應酬" 佳客的白酒, 以至於 "一門十二傑" 的 Burgandy "神之水滴" Romanee Conti (即所謂 DRC, 康堤莊)... 等等之類.

雖然店頭的確有不少好貨, 不過秉承老朽一向的精神, 有此站不會賣廣告, 所以有興趣的朋友 (去參觀都好丫) 可以試著用地址找他們的網站, 好似他們在尖沙咀另有一店的.

越南米網皮

好耐之前見過有一種好得意的像春卷皮的, 但個樣就 "一岩一斬", 不過就是炸起後 "有排都唔返潮" 的. 後來讀到黃鍵欽師傅的《點心世界》, 見到有一款好似樣的東西, 原來叫做 "越南米網皮". 不過找了好久都找不到, 最後才知原來來貨少, 多數是酒樓取貨才有; 後來知道相熟的一間賣生貨的粉麵廠有得訂, 便試o下玩, 原來都要廿元一包, 每包廿張左右. 都真係好心機, 原來每張都用簿膠一層分開防潮, 賣得貴都抵啦... (亦因為咁所以少人買)



見到是要輕輕噴濕或拍濕網樣才用的, 原來一濕就好快軟身, 不過包東西就最好包一些條狀的, 好似呢個香芒雞肉條, 不過建議雞肉醃好後先炒至七成熟才和芒果條一起包, 否則由生炸熟的話肉會比較鞋口. 黃師傅的食譜就用蝦, 蝦易熟又不易鞋, 所以可以生包現炸. 不過點包都好, 盡量用稠生粉/麵粉水封口封得好些, 否則網皮一受火比較容易鬆開, 而五六秒後又會即時硬身, 返唔到轉頭了.

炸好後配合沙律醬加入七味粉和柚子粉食, 更加香口.



食完見仲有少少濕了水, 包了些華記永昌號買回來的急凍蟹粉, 仲整個糖醋醬點; 不過今次就衰o左, 因為蟹粉好易穿過網皮漏出來, 而且本身太濕, 好快會弄到網皮穿開... -_-" 下次都係包返件頭的東西好了. (下圖有少少焦不是因為網皮炸得久, 而是蟹粉漏了出來燒得有點焦香, 因為蟹粉之前已落薑汁酒炒過, 所以即時起鑊上碟不會再焦下去)



網皮仲可以用來炸現成的 "鵲巢兜", 用來載炒的粒粒仲可以做個食得o既盞, 既美觀又好食. 而且炸硬身後耐少少才離火都唔會太易燒焦. 真係試得過. ^^

玩飛燈...

寫了這篇很久都未埋尾, 原來過了復活節已經一個月了...

話說復活節假期最後一天, 終於找了個時間, 和太太 "二人世界".

過了中午後, 夫人去了買 "生滋堂" coupon 的化妝班, 老朽就先帶了女王去麻麻屋企. 至於夫人要去化妝的原因, 就是約了老朽晚上兩公婆去 1881 夜影兼玩「飛燈」.

原本是想早幾個月邀請有極豐富 model 經驗的細細妹幫手做飛燈 model 的, 不過細細妹身經百戰, 近得大師多, 我呢o的師弟級尚有自知之明, 為免出醜貽笑師姐, 都係遲點等練好些才找她好了. :P

有玩開攝影的師兄師姐都知道, 飛燈係相當好玩, 又有時有點 "蝦人" 玩的. 早前提及, 和好友老闆一早買了兩支燈腳, 又問了舊同學樹熊老闆借多一支閃燈, 都係 SB900 來的. 試o下唔用引發器來飛.

結果係 -- 好好玩! 夫人尊容就唔出街喇 (費事你地睇蝕晒, 嘿嘿...) 雖然飛燈的 set 位要時間再慢慢改進, 但係試到不同地點不同距離出力, 還有高低角度等等, 真係有著明顯的不同, 已經好開心.

不過有樣奇, 就係有時支燈要在相機的右側才會 sense 到, 可能是因為相機的 sensor 都在右邊, 而我又不是用 SU-800 的 remote control, 發射不夠強... 當然, 其實我可以用一些平價的 radio 發射器, 老朽都有買, 不過今次就真的想試飛 TTL 燈, 可以連相機的數據都傳送埋. 比就咁用普通的 radio controler 好得多, 也精細得多.

自己都覺得有需要買多一支用來玩的飛燈, 可能是副廠的 nissin 又或者德國牌子 metz; 兩個牌子都是 2000 元以下, 似乎也幾化算.

不過, 我仲要買碳纖腳架同埋一支 17-35 廣角 zoom 喎!! 點算好!?!?

另, 影完後和夫人去了 1881 的露台 parlour 餐廳晚飯, 水準不錯不過又未去到拍晒手的地步...

我也來世博

近兩星期, 全香港, 全中國, 甚至全世界都在講世博.

好可惜, 多數都是由讚變彈; 這些搶票佔隊訓街之類 "不文明的事", 老朽自己都聽到厭了. 說點別的, 就是一兩個聽到後會反思 「為何今次會咁甩轆」的小故事.

早幾個月在一個電視新聞節目見到訪問了一位上海人, 他說的大致是「我們上海人平均素質高, 不用怎麼重新學習就可以辦得起大事來」; 而他身後, 就是幾位穿著睡衣周街走的人 (後來才知, 穿睡衣上街在上海原來十分普通, 怎麼個我上次去上海沒見到有這奇景的!?).

是典型的老式 "海派" 作風.

海派不是不好, 因為有種豪情壯志. 和海派的食品也一樣的豪邁, 濃油赤醬的, 是老朽最愛. 但豪邁得這個地步, 似乎, 變了自負.

就像另一單新聞說過, 有個全國聞名的窮小鎮就花了近千萬元去仿造一間 "中國館" 出來. 目的是 "宏揚世博精神". 看來, 在他們連 "世博精神" 係咩都答唔出的時候, 此個 project 唯一的好處是為一部分窮人帶來了一個短期的工作機會 -- 雖然老朽點睇都唔覺那山寨版的中國館何以可以花費一千萬. 這一個宏揚, 不知宏了個甚麼的好大喜功出來.

當然, 入世博園區的, 好多都不是上海人, 不過來工作和當義工的就多數是上海人. 他們似乎對外國來的 "老外"遊客如何招呼是好 都不太熟悉. 不少義工, 連簡單的有禮英語都不懂, 又有另一個電視節目介紹了, 一位英國客問了幾個問題, 那位義工大學生知道不是在他的位置去解決的, 不過他只懂說 "no!" 連 "對不起 (sorry i don"t know) " 也沒有講到. 那遊客相當不滿, 是時抄下了那位義工的名稱; 那位義工一直覺得自己做得不錯, 知道有人要投訴後都錯愕不已. 因為他根本不知道自己有何錯失.

另一位義工就出名得多, 一記北斗神拳打爆了亞視的攝影機; 打完後又呆了跟公安走, 最後還是道歉賠錢了事.

老實說, 這班義工, 其實相當辛苦, 他們都像所有大型活動的義工一樣, 接受了訓練, 不過訓練後不代表變成萬能叔叔, 也一樣是人; 而人, 是有人性, 有脾氣的.

我不是在為他們開脫, 卻十分同情他們, 因為自己和之前的東亞運義工, 還有其他大型活動義工都試過, 每次都見著一些不知名的問題, 活動一多參加者, 人就會發問, 之後無答案 (或者有唔夠滿意時) 的時候, 發問就變發忟, 古今中外, 無一倖免. 企o係度死頂做擋箭牌o既就係那班前線義工. 付出的是他們, "領o野" 的也是他們. 總有一是, 會谷到爆的.

尚幸世博要搞個半年數月, 相信再過三幾星期, 大概 system 就會自然的 fine tune. 到時或者老朽都會考慮下去走一趟.

末了, 找來一首大家可能聽過幾百次, 不過唔知原來係世博會歌的音樂, 由老朽第一號偶像, 已故德國指揮家卡拉揚帶領維也納愛樂團演出的 - 德伏扎克 (dvorak) 第九交響曲 "新世界" 第四樂章 (大家可以先 off 了上面 101 音樂廳的音樂...) 一聽, 可能就會話 - 原來係呢首!



*ps: 此曲原為德伏扎克 1895 年為芝加哥世博應邀特別作演出用的, 後來被主辦當局用了來做大會的常年會歌.

"繞" 都無人有...

兩位好友, 一位係好友老闆, 另一位係好友大狀, 兩位去年下半年都告訴老朽, 他們快將做老豆. (按, 謝謝溍溍先生指正本文初稿語病)

一個係四月預產, 另一個係五月. 但因為五月那位太太為 "穩陣" 計, 所以在 "師傅擇日" 下決定了早點開刀.

哈! 點知四月那位, 同我女王當年一樣, 「逾期居留」喎! 所以又入院催生, 而入院的那天, 就是上面說那位開刀太太入院準備的同一晚. 最最最巧合的是, 他們因為是前後腳入院, 竟然住了在同一間半私家房的左右床位! 他們兩位都先後 send 了 sms 給老朽, 說見到對方.

催生那位就好過我夫人好多喇. 我夫人當時催完阿女王都無反應. 今次好友就一催即到.

兩個都係入了同一間私家醫院, 今早已經收到好友老闆的 sms, 就開刀順利. 至於另一位好友, 下午都順產誕下了 b 女. 女王遲o的可以做大姐姐喇!

除了兩對新任父母外, 最「傷」的, 當然係老朽, 因為兩位都份屬好友, 所以分別送了兩大個 Agnes B 花籃畀兩位勞苦功高的太太. 及時做了她們的母親節禮物. ^^"

恭喜恭喜!!

Indulge Yourself -- 燒士多啤梨雪糕 (Fraises flambées au Grand Marnier à la mode)

上兩星期看 discovery 的 "travel & living channel" 的 "Take Home Chef", 有個叫 Curtis Stone 的靚仔廚師 (夫人話佢 "都 ok 啦") 喜歡無啦啦在超市見到人買東西買到鬼五馬六的話就去幫人, 仲會去人屋企煮東西的. 上次就去了 2004年打風打到飛起的 New Orleans, 其中見到一味甜品相當簡單, 就是用砂糖煮士多啤梨, 之後加入 Grand Marnier (柑曼怡橙酒), 將士多啤梨做個 flambee; 上面加了一球New Orleans 都幾出名的軟芝士蛋糕; 讓它慢慢融化.

這個食譜好自由, 亦係可以配其他東西的, 因為老朽不太吃芝士, 所以用了一球 Haagan Daz 云呢拿香草雪糕...

我本來整第一次時無影到 "放火相", 不過細細妹 solo 話想睇放火喎, 咪整多次囉... 睇相丫唔該... 其實, 唔係好大火... 燒酒精的火, 大極有數.



用的砂糖平均約十粒士多啤梨用兩湯匙左右, 多點就更甜. 最後就要將煮出來的汁 (都會係粉紅色的) 收乾少少後淋上雪糕或蛋糕面, 上碟食得!



食完呢個, 應該會, 相．當 -- guilty! :)

上屋搬下屋

公司 consol, 上屋搬下屋之事, 大致完成了. 老闆們請了M字額 (是我們公司的長期友好兼客戶) 上來睇埋風水, 買了一大堆東西 (最後九成都係老闆們託老朽買的, 跑到氣都咳, 此乃後話, 按下不表)

還有就是, 既是改朝換代, 就要來一次 "開國大典". 老朽的房間被加大了幾尺咁大把 (都好丫, 以老朽死肥仔身型, 唔加大遲o的驚入唔到), 亦要幫手搞個飲飲食食小 party, 不過日子就是訂在星期日 - 是擇出來的. 當然, 一切大小事宜都是由一位 "平常心老闆" 做總指揮 (之不過大老闆才是幕後黑手), 又由死黨老闆做 "美術指導" (即係成日和老朽一起影相那位), 老朽就係 "美術助理" (唔係 "助理美指" 喎!) 一切有關 office decoration 的, 老朽都會被問有無咩意見, 之後 -- 由老朽去買回來, 上至 M 先生的風水擺設, 書畫放法, 下至射燈擺位 (無錯, office 裝了好多射燈, 其中有些是在老朽房內, 感覺即時 "high" o左, 不過房內溫度一樣即時 high o左!)

最耐人尋味的, 係莫過於在師妹 "執房" 時發現不知何時何人 (以前的律師居多) 留下了一件 "珍品"



究竟係邊個咁過癮呢o下... 不過 admin 話呢件o野而家應該拎出來貢獻全公司所有同事喎...

搞了好幾天, 到了搬遷的那天下午, 老朽上去舊店一看, 已經被工人拆得滿目瘡痍, 簡直是地震後的情景... 想起早上還是似模似樣的公司格局, 真係好佩服班拆卸工人的效率...



雖然一切看去都似係一副 "明天一定更好" (我都想!) 的格局, 不過昨晚老朽幫手搞公司大門口的風水植物時 (唔知門口有無挖過風水洞穴呢o下...), 心中突然自動唱起了《麥兜-菠蘿油王子》入面一句...

「呢, 咪係為o左我o地o個的所謂o既將來囉...」 XD