1) 據消息人士透露, 女王近日多次發表有意義之講話, 除自言自語 bb 話外, 更包括: "要 poopoo (大便)/尿尿呀~~!", "嘩! 開電字 (電視) 呀~!"
下圖為女王早前出巡時指著店內蛋糕鬼殺咁嘈要食之現場實況:
...
...而最重要之講話被認定為... 「爸B juu~~騰!」 (爸b 早晨!) 同埋 「恭喜恭喜! (連手勢)」 :)
消息相信 "恭喜" 為女王成長管理局受薪董事 (即保姆姨姨) 特別傳授之速成心法, 好等女王於過年時可以多逗利是.
2) 該消息人士並指出 (消息已得到有關當局證實), 女王自從上星期病好了後, 胃口陪增, 餐餐食極唔飽, 飯後半小時竟然要食方包, 不過 "女王成長管理局餐飲及營養監察院" 聯席監院兩宮太皇太后 "麻麻" 同 "婆婆" 發現當中有一半時間都係搵笨o既, 但另一半就真係食得落! 及後太上皇老朽及皇太后夫人會同首席醫宮鄒醫生決定飯後半小時內不得再行進食, 以免過胖影響女王修長身形及日後成為 "o靚模" 資格. (女王的確係長腿姐姐來的, 似佢阿媽, 好在唔似佢老豆又肥又矮)
3) 據觀察所得, 女王每當見到 "麻麻" 或 "婆婆", 仲有 "姑姐" 或 "姨姨" 或 "姨媽" 時, 會完全置老朽及夫人於不顧, 主動向有關人士投懷送抱, 連食食o下都會走o左去, 激死老豆也!
4) 女王依然係以中文教育為主, 按女王成長管理局教育部發出之指引, 應先以中文教育, 後輔以英語或日語簡單字彙 (如 "goodbye" 或 "sit down" 或 "私 (watashi)" 之類), 如屬食品科目可按情況加入相關語言 (如 "au gratin" 或 "sauerkraut" 等); 另外女王之飲歌為 "Twinkle Twinkle Little Star", 長據流行榜首多週, 另收錄靚歌包括 "字母歌" 及 "jungle bells" (不過 "jingle bell(s)" 唱出來變o左 "bi-bi bao"!!)
沒有留言:
發佈留言